Pengarat Kao

Ilustrasi sumber: Google

Leq sedin laut atau tamparan pesisi  dasan geres araq kanak saq ndeq mele sekolah. Pegawean kanak niki lalon garat kao tipaq tengaq gawah. Kanak niki sanget siqne patuh bebaturan. Aranna loq Amat, loq Amin dait loq Udin.

Sopoq jelo kanak niki pade bebao leq bawaq lolon ketapang. Kanak niki pade raosang dunie saq wah maju. Sambilne si pade momot meco tungka sangkok, beketoan loq Amat tipaq loq Amin dait loq Udin.

“Amin, Udin taon basa indonesia?” ongkat loq amat

“aku taon kena  ‘saya’ doang” ongkat loq amin

“ ak taon kena ‘ ya’ doang” ongkat loq udin

‘ Aaku jak ‘tidak’ doang penaoke” ongkat loq amat

Sopoq jelo kanak niki bejanji meken tipaq Pringge. Masih peteng Pade jauq kao tipaq pinggir tamparan. Wahna siq lepas kao, beterusna na lalo joq peken.

Loq amat, loq amin, kance loq udin pade berari sampe peken peringge. Tetelu kanak niki pade mandiq isiq daur. Loq amat tenaq baturne boyaq dagang es cendol. Dateng le dagang es terusne pada tokol. Dagang es niki dengan jawa, ndek na tao base sasaq. Dagang es niki mulai beketoan leq kanak – kanak niki.

“ minum es, Nak?

“tidak” ongkat Loq amat Bejawab

“minum es, Nak?

“Ya” ongkat loq Amin Bejawab

“Minum Es, Nak?

“saya” ongkat Loq udin

Dagang niki pinaang loq amin dait loq udin es cendol. Elor loq amat turun engat baturne nginem. Beketoan loq amat

” kubekna ak jaq ndaku tapiang es?”

“sengaqde kena ‘tidak’ waktu te ketoan” ongkat loq udin.

Kanak niki pada sugul leqan peken lalo boyaq tebujari sangu ulek. Leq tengaq peken arak copet tekuihang siq dengan lueq. Copet niki mirip maraq ruan loq udin, amin, dait loq amat. Ketelo kanak niki tebau teparan jari copet, tejauq tipaq sektor peringge.

Kanak niki teurus isiq polisi lekan bali aran na pak ketut. Pak ketut ndaq na tao base sasaq.

“kamu copet ya?

“tidak “ ongkat Loq amat

“kamu Copet ya?

“ya” ongkat loq amin

“kamu copet ya?

“saya” ongkat loq Udin.

Loq amin dait loq udin tetamaq aning bui. Loq udin dait loq amin teurus maliq ngadu base sasaq. Ternyate kanak niki ndkna tao base Indonesia/ Base Datu. Ahirne, Kedua kanak niki tesuruq uleq siq pak polisi Ketut.

Leq tengaq langan kakanak niki bejanji pade tame sekolah. Kao saq aratne niki bueq ta jual jari biaye pada sekolah. Sampe nane kanak niki wah tame kuliah jari dengan pinter.